Poslovne vesti - Makedonija

За 70 отсто да се намалат трошоците за регистрацијa

Да се намалат трошоците за регистрација на возила за 70 отсто, бараат од независниот синдикат на камионските транспортери, Макaмтранс.

„Доколку во наредните осум дена, не добиеме позитивни одговори за сите поставни барања ќе биде одржан протест од камионџиите, а ќе нè поддржат и сите иматели на моторни возила“, изјави Страшо Јованов од независниот синдикат.

Од синдикатот велат дека доплатата за зелен картон мора да биде укината и да се добива како последица на регистрационата постапка.

Тие бараат и лиценцата за работа да биде прогласена за трајна пред истекот на сегашниот рок од четири години.